عمارة اللاذقية

مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه

التجمع الرسمي لطلاب كلية الهندسة المعمارية في جامعة تشرين


    بنت العمارة...... وشريرة الآداب...... والاقزام السبعة

    شاطر
    avatar
    scorpion
    معماري متميز
    معماري متميز

    انثى
    العقرب القط
    عدد المشاركات : 243
    العمر : 29
    الكلية : Architecture
    المزاج : SCORPIO
    المدينة : syria
    الجامعة : Tishreen
    تاريخ التسجيل : 07/11/2008
    نقاط : 3150
    التقيم : 0

    بنت العمارة...... وشريرة الآداب...... والاقزام السبعة

    مُساهمة من طرف scorpion في الجمعة يناير 23, 2009 11:10 pm

    تذكير بمساهمة فاتح الموضوع :

    بنت العمارة وشريرة الآداب والاقزام السبعة
    كان يا مكان في سالف العصر والآوان
    ببلاد قريبة كتير ملكة ما عندها ولاد وبيوم من الايام وهي عمتخيط وشاح لزوجها الملك وقاعدة تتفرج عالتلفزيون على برنامج بيحكي عن فن العمارة
    للأسف أنجرحت أصبعتها ونزلت نقطة دم فدعت الملكة لربها أنو يبعتلها بنت حلوة وبيضة ويطلعلها بالباكالوريا عمارة وتنجح بالمسابقة
    قام الله استجاب لدعوتها وبعتلها بنت حلوة كتير...... متل ما بتعرفو بتموت الملكة وبيتزوج أبوها الملك من امرأة شريرة من كلية الأداب
    ولأنو بنات الأداب بيغارو من بنات العمارة لأنو بنات العمارة احلى وأفهم منون
    بتقوم مرت الأب بتتفق مع شرير من المعيدين مقابل مبلغ من المال ليقتل الأميرة
    متل مابتعرفو أنو المعيد ما بيفهم بالدنيا غير الكتب والعلاك المصدي وبزكاء بنات العمارة المعهود قدرت الأميرة تهرب من الشرير وضاعت بالغابة لحد ما لقت بناء ساكنين فيه سبع أقزام من كليات مختلفة ...
    وطبعا الأقزام حبو كتير بنت العمارة وعاملوها احلى معاملة لأنها كانت حلوة متل كل بنات العمارة بس شريرة الأداب ولما عرفت أنو بنت العمارة لساتها عايشة جن جنونها وصارت تشقشق بتيابها
    وقررت تقتلها بنفسها قام تنكرت واخدت معها كتير من الشوكولا والحلويات وراحت لعندها وعطتها ياهون على أساس هدية
    وما تشوفو بعد كم يوم وإذ الأميرة تتعب وتتألم ما حدا عرف ليش
    قام أجا
    القزم الأول من الطب البشري وفحصها وقاس ضغطها بس ما حسن يعرف شو بها
    بعدين أجا
    القزم التاني من الميكانيك وقال أكيد بنت العمارة مالة كتير وضجرانة وراح ساوالها مرجوحة بس كمان الأميرة ما استفادت وضلت مزعوجة وعمتتوجع
    وكمان
    القزم التالت من الصيدلة جرب حظو وساوالها خلطة بس كمان ما نفعت
    بعدين تفهمن
    القزم الرابع تبع الكهربا وجبلها بلاي ستيشن ثري مشان تتسلى وكماااان ما نفع مع بنت العمارة الكربوجة
    أجا
    القزم تبع كلية التربية وقال ياجماعة هي أكيد مرضها نفسي قام سلخها محاضرة من كعب الدست كلها فزلكة وكلام مصدي وأكيد ما نفع مع الاميرة
    واستشعر
    القزم السادس تبع اللغة العربية ونقفها دين قصيدة جاب أجلها وهالمرة مو بس ما استفادت وكمان زاد الطين بلة
    واخر فهمان من الأقزام كان طالب أقتصاد وقال : وسع انت وياه الحل عندي , طالع ورقة وقلم وبلش يحسب ميزانيات وفتح حسابات وبيع وشراء قام طلع معو بالأخير الميزانية خسرانة
    وهيك ما قدر حدا يعرف مشكلتها.... ويوم عن يوم بلش المرض يزيد ولحد ما أجا يوم وقعت فيه عالأرض ولا من تمها ولا من كمها
    قام الأقزام حطو الأميرة على طاولة خشب بالحديقة وحاوطوها بالزهر والورد والعشب الأخضر وبلشو يبكو وينوحو
    وهنن على هالحال وإذ بيسمعو صوت من بعيد وبيشوفو أمير جاية على حصان أبيض من كلية طب الأسنان بعد ما سمع بجريدة تشرين عن جمال بنت العمارة وسحرها
    ومتل ما بتحكي القصة لازم الأمير يبوس الأميرة مشان تفيق من غيبوبتها بس لما أجا الامير ليبوسها لاحظ أنو عندها سن متسوس من كتر أكل الشوكلاته قام عالسريع ساوالها سحب عصب وحشوة ضوئية وتبييض على طريقو وإذ بنت العمارة بتفيق من غيبوبتها وبتحضنو وبتبوسو
    وتزوج الأمير والأميرة وعاشو بسعادة وجابو ولاد و بنات ولسه سلالتون من البنات لهل اليوم بنقدر نشوفها بكلية العمارة شاهدة على الذوق الملكي والجمال الساحر الفتان
    avatar
    NouR
    معماري متميز
    معماري متميز

    انثى
    الجدي الحصان
    عدد المشاركات : 797
    العمر : 26
    الموقع : http://nanoushi.hi5.com
    الكلية : architecture
    المزاج : moody
    السنة الدراسية : 1st
    المدينة : lattakia
    الجامعة : tishreen
    رقم العضوية : 9
    تاريخ التسجيل : 14/09/2008
    نقاط : 3217
    التقيم : 0

    رد: بنت العمارة...... وشريرة الآداب...... والاقزام السبعة

    مُساهمة من طرف NouR في الأحد مارس 22, 2009 8:09 pm

    Laughing ما اكثر الاقزام وما اقل الاميرات...
    avatar
    كيونيتا
    معماري نشيط
    معماري نشيط

    انثى
    السرطان القرد
    عدد المشاركات : 15
    العمر : 24
    الكلية : الهندسة المعمارية
    المزاج : رايق
    السنة الدراسية : الأولى
    المدينة : اللاذقية
    الجامعة : تشرين
    تاريخ التسجيل : 13/11/2010
    نقاط : 2442
    التقيم : 1

    رد: بنت العمارة...... وشريرة الآداب...... والاقزام السبعة

    مُساهمة من طرف كيونيتا في الثلاثاء أبريل 12, 2011 11:58 pm

    اي شو هاد والله العظيم مللتوني
    مين قلكون انو طلاب العمارة فاضيين ليعملوا هيك قصص
    avatar
    ahmad sahyouny
    معماري جديد
    معماري جديد

    ذكر
    الثور القرد
    عدد المشاركات : 1
    العمر : 25
    الكلية : الهندسة المعمارية
    المزاج : GOOOOOOD
    السنة الدراسية : الأولى
    المدينة : اللاذقية-مشروع الصليبة
    الجامعة : تشرين
    تاريخ التسجيل : 16/04/2011
    نقاط : 2261
    التقيم : 1

    رد: بنت العمارة...... وشريرة الآداب...... والاقزام السبعة

    مُساهمة من طرف ahmad sahyouny في السبت أبريل 16, 2011 5:11 am

    قصدك ما في أميرات بنووووووووووووووووووووووب affraid
    avatar
    كيونيتا
    معماري نشيط
    معماري نشيط

    انثى
    السرطان القرد
    عدد المشاركات : 15
    العمر : 24
    الكلية : الهندسة المعمارية
    المزاج : رايق
    السنة الدراسية : الأولى
    المدينة : اللاذقية
    الجامعة : تشرين
    تاريخ التسجيل : 13/11/2010
    نقاط : 2442
    التقيم : 1

    رد: بنت العمارة...... وشريرة الآداب...... والاقزام السبعة

    مُساهمة من طرف كيونيتا في الثلاثاء أبريل 26, 2011 6:38 am

    لا أحمد غلطان أصلاً مافي أميرات بالجامعة كلا غير بكلية العمارة
    وبينعدوا عالأصابع كمان

      الوقت/التاريخ الآن هو الجمعة يونيو 23, 2017 2:18 am